《虛實之爭：HTC Vive》
Pokemon GO風頭一時無兩，都市人重拾散步嘅樂趣，呢排夜晚行公園仲熱鬧過中秋時節。
科技不斷塑造人類嘅生活習慣，宜家AR已經成功強化現實，令你樓下嗰公園變得吸引咗，咁跟住個世界仲會點變呢？
我認為，如果AR係第一步，咁VR應該就係第二步。
宜家發展緊VR嘅公司主要有三間: HTC，Sony，Kickstarter起家嘅Oculus ，今次剩係講下HTC 嘅進度。
論技術，HTC一直都係行得最前嗰個，但HTC嘅產品從來都唔入屋，所以始終搵錢唔多，而HTC Vive就正正係一件唔入屋嘅高科技產品。
HTC採用出名精準嘅Steam touchpad做遙控器，配合Vive本身標清而流暢嘅畫面，成件事天衣無縫，令到用家真係可以抽離現實，投入虛擬世界。
而且HTC Vive用途廣泛，喺設計、遊戲、電影、交友等範疇都有軟件開發緊，潛力無窮。
但係暫時嚟講，HTC Vive硬件門檻好高，唔係人人玩得起。假設你想用Vive打機，首先你要有一張頂級顯示卡，跟住你仲需要一個夠大嘅空間去玩，最後你要肯俾$8000買HTC Vive。
論入屋，PS VR將會係最普及嘅VR產品，不過PS VR都有佢嘅限制，總之就留返下次再講。
Search